"არაფერია იმაზე აბსურდული, ვიდრე ლექცია ლეგიტიმურობაზე იმ ადამიანისგან, ვინც 21 წლის განმავლობაში ზის თავის სკამზე და ემსახურება მას, ვინც 25 წელზე მეტი ხნის განმავლობაში მართავს [ქვეყანას]", — უკრაინის საგარეო საქმეთა მინისტრი ანდრეი სიბიგა რუსეთის ფედერაციის საგარეო საქმეთა მინისტრის, სერგეი ლავროვის განცხადებას გამოეხმაურა იმის შესახებ, რომ რუსეთის ფედერაციისთვის უკრაინის პრეზიდენტი ვლადიმერ ზელენსკი "რეჟიმის დე ფაქტო ლიდერია" და მას ამ პოსტზე არალეგიტიმურად თვლიან.

"არაფერია იმაზე აბსურდული, ვიდრე ლექცია ლეგიტიმურობაზე იმ ადამიანისგან, ვინც 21 წლის განმავლობაში ზის თავის სკამზე და ემსახურება მას, ვინც 25 წელზე მეტი ხნის განმავლობაში მართავს [ქვეყანას]. მას არ აქვს იმის ლეგიტიმაცია, რომ ისაუბროს ლეგიტიმაციაზე. ასეთი ბოდვითი განცხადებები აჩვენებს, რომ რუსეთი სამშვიდობო შეთანხმების წინააღმდეგია, — წერს სიბიგა X-ზე.