ამერიკის შეერთებული შტატების სპეციალური წარმომადგენელი უკრაინის საკითხებში, კიტ კელოგი, ორდღიანი ვიზიტით კიევში ჩავა. ამის შესახებ ინფორმაციას უკრაინული მედია ავრცელებს.

არსებული ინფორმაციით, კელოგი უკრაინას 24–25 აგვისტოს ეწვევა. აშშ-ის პრეზიდენტის სპეციალური წარმომადგენლის ვიზიტის პროგრამა ქვეყნის ლიდერებთან შეხვედრებსა და სალოცავ საუზმეში მონაწილეობას მოიცავს.

უკრაინის პრეზიდენტი ვოლოდიმირ ზელენსკი კიტ კელოგს ამ კვირის დასაწყისში ვაშინგტონში ვიზიტის დროს შეხვდა.

მანამდე მედიამ შეიტყო, რომ სპეციალური წარმომადგენელი, რუსეთის პოზიციის გამო, აშშ-ის დელეგაციის შემადგენლობაში დონალდ ტრამპისა და ვლადიმირ პუტინის სამიტზე არ იმყოფებოდა.