თბილისში, 300 არაგველის მეტროსადგურის მიმდებარედ, საქართველოს ეროვნული უნივერსიტეტის (სეუ) კუთვნილი შენობის მეხუთე სართულიდან, მუშა გადმოვარდა და დაიღუპა. შემთხვევა დღეს, 28 სექტემბერს, დღის მეორე ნახევარში მოხდა.

შსს-ში On.ge-ის განუცხადეს, გამოძიება სისხლის სამართლის კოდექსის 240-ე მუხლის მეორე ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

ინფორმაცია მომხდარის შესახებ თავდაპირველად ნეტგაზეთმა გაავრცელა. მათი ინფორმაციით, დაიღუპა 30 წლის კაცი, რომელსაც 9 თვის ბავშვი დარჩა. მას პირველი სამუშაო დღე ჰქონდა სეუ-ს ობიექტზე.