საშინელებათა ჟანრის მეფე — სტივენ კინგი — რომლის ნაწარმოებებიც თითქმის ხუთი ათწლეულის განმავლობაში შიშს გვრის მკითხველს, ამბობს, რომ მისი ყველაზე შემზარავი ნაწარმოებიც კი ვერ შეედრება დონალდ ტრამპის პრეზიდენტობით გამოწვეულ რეალობას.

The Guardian-თან ინტერვიუში კინგს ჰკითხეს, როგორ დასასრულს წარმოიდგენდა ის "ტრამპისეული ამერიკისთვის", მისი პასუხი იყო — "იმპიჩმენტი".

ფოტო: Jim Spellman / WireImage

მისი თქმით, ცუდი დასასრული ტრამპის მისი მესამე ვადით არჩევა იქნება. "ეს ნებისმიერ შემთხვევაში საშინელებათა ისტორიაა. ის საშინელებათა ისტორიაა, არა?" — დასძინა კინგმა.

"ვფიქრობ საუკეთესო გამოსავალი იმპიჩმენტია", — თქვა მწერალმა — "მოდი, ასე ვთქვათ, დიდი სიამოვნებით ვიხილავდი იმ დღეს, როგორ გადის ტრამპი "პენსიაზე".

ფოტო:
Lou Rocco/Getty Images

აღსანიშნავია, რომ კინგს არაერთხელ გამოუხატავს თავისი შეშფოთება ამერიკის პრეზიდენტის მიმართ, ჯერ კიდევ ივნისში, მან X-ზე დაწერა, რომ ტრამპი განებივრებული ბავშვია, რომელიც, "როდესაც სასურველ მიზანს ვერ აღწევს, ისტერიკაში ვარდება".

კინგმა 2022 წელს, Sunday Time-თან ინტერვიუში, ტრამპისისთვის არც ამ შემთხვევაში დაინანა საქებარი სიტყვები. მისი თქმით, ის საშინელი პრეზიდენტი და ადამიანია. კინგის კომენტარებს, 2024 წელს თეთრი სახლის კომუნიკაციების მენეჯერი, სტივენ ჩუნგიც, გამოეხმაურა, რომელმაც მწერალს "გონებაჩლუნგი" უწოდა.

თუმცა პოლიტიკა არ იყო ერთადერთი საკითხი, რომელზეც მწერალმა ინტერვიუში ისაუბრა. კინგმა ნეტფლიქსის გახმაურებული სერიალზე — Stranger Things — ისაუბრა, რომელსაც გულშემატკივრებიხშირად კინგის რომანებს ადარებენ.

"სერიალის შემქმნელები ჩემს რომანებზე გაიზარდნენ, მათ თქვეს: "გვინდა რამე მსგავსი შევქმნათ", — აღნიშნა კინგმა — "თუმცა სერიალში ძმები დაფერების ხედვა უფრო მეტად იგრძნობა, ვიდრე სტივენ კინგის. ეს კარგია, ძალიან მომწონს".

აქვე, ჰორორის მოყვარულებს შევახსენებ, რომ Amazon MGM Studios სტივენ კინგის კერის მიხედვით სერიალის გადაღებას გეგმავს. როგორც ცნობილია, სერიალის რეჟისორი მაიკ ფლენეგანი იქნება.