ამერიკის შეერთებული შტატების პრეზიდენტობის რესპუბლიკელი კანდიდატი დონალდ ტრამპი Twitter-ზე წინასაარჩევნო გამოკითხვების შედეგს აქვეყნებს, რომელზეც ჩანს რომ ჰილარი კლინტონი მას 2%-ით უსწრებს.

კვლევა One America National News-მა და კომპანია Gravis Marketing-მა ჩაატარეს. მისი მიხედვით, დემოკრატების კანდიდატს ჰილარი კლინტონს არჩევნებში მხარდაჭერას 51% უცხადებს, ხოლო ტრამპს - 49%.

"დიდი მადლობა! #AmericaFirst" - წერს ტრამპი ტვიტერზე აღნიშნული შედეგების გამოქვეყნებისას.

დასავლური მედიის წარმომადგენლები ტრამპის ნაბიჯით გაოცებულნი არიან, რადგან რესპუბლიკური პარტიის კანდიდატი სოციალური მედის საკუთარ გვერდებზე თავისი უპირობო წარმატებების შესახებ ხშირად წერს.

თავის მხრივ, CNN კვლევას უნდობლობას უცხადებს და ამბობს, რომ მისი სტანდარტები სიენენისას არ ემთხვევა, რადგან აღნიშნული კომპანიები ავტომატურ კენჭისყრაზე დაყრდნობით იღებენ ამ შედეგებს და არა სატელეფონო ინტერვიუებით.