თვითმმართველობის არჩევნებში პარტია "კონსერვატორები საქართველოს" თბილისის მერობის კანდიდატი ზურა მახარაძე იქნება. მახარაძის განცხადებით, თბილისის საკრებულო წევრობის კანდიდატთა სიაშია — შოთა მარტინენკო, ირაკლი მარტინენკო, გიორგი ქარდავა და ირაკლი მორგოშია.

"ჩვენ გვინდა "ნაცების" და "ქოცების" ვითომ კონფლიქტის მაგივრად რეალურ პრობლემებზე ვკონცენტრირდეთ. შევცვალოთ ქართული პოლიტიკური რეალობა. ჩვენ გვინდა, იმ საკითხებზე ვილაპარაკოთ, რაც მართლა აწუხებს ხალხს. როგორიცაა: მასობრივი მიგრაცია, კატასტროფული დემოგრაფიული ვითარება.

ჩვენ გვინდა, ისეთი წესები, კანონები და დადგენილებები შევიტანოთ საკრებულოებში და მერიებში, რომლის მიხედვითაც, მაგალითად, მრავალშვილიან ოჯახებს მიწის ნაკვეთები გადაეცემათ, რომ დემოგრაფიული მდგომარეობის გამოსწორების პროგრამა შეიქმნას…" — ამბობს ზურა მახარაძე.