10 აგვისტოს, უკრაინის პრეზიდენტმა ვოლოდიმირ ზელენსკიმ აზერბაიჯანის პრეზიდენტ ილჰამ ალიევს დაურეკა.

ამის შესახებ აზერბაიჯანული მედია აზერბაიჯანის პრეზიდენტის პრესსამსახურზე დაყრდნობით იტყობინება.

ტელეფონზე საუბრისას, უკრაინის პრეზიდენტმა მიულოცა ილჰამ ალიევს ამერიკის შეერთებული შტატების პრეზიდენტის დონალდ ტრამპის მხარდაჭერით სომხეთსა და აზერბაიჯანს შორის სამშვიდობო დღის წესრიგში მიღწეული წარმატებები და ხაზი გაუსვა, რომ ეს შეხვედრა ისტორიული ხასიათისაა.

როგორც აზერბაიჯანული მედია წერს, მილოცვისთვის მადლიერმა ილჰამ ალიევმა აღნიშნა, რომ სომხეთსა და აზერბაიჯანს შორის მიღწეული შეთანხმებები, კერძოდ, აშშ-ის პრეზიდენტის ჩვენებით ორ ქვეყანას შორის ხელმოწერილი დეკლარაცია და სხვა დოკუმენტები რეგიონში მდგრადი მშვიდობის, სტაბილურობისა და კეთილდღეობის უზრუნველყოფას შეუწყობს ხელს.

ტელეფონზე საუბრისას ასევე განიხილეს აზერბაიჯანსა და უკრაინას შორის ორმხრივი ურთიერთობები. ამ კონტექსტში, ხაზი გაესვა გასულ თვეში ბაქოში ორ ქვეყანას შორის სამთავრობათაშორისო კომისიის სხდომის ჩატარებას, რომლის ფარგლებშიც ნაყოფიერი დისკუსიები გაიმართა სავაჭრო-ეკონომიკური კავშირების განვითარების შესახებ. სატელეფონო საუბრის დროს მხარეებმა დაგმეს რუსეთის მიერ აზერბაიჯანული კომპანია "სოკარის" ნავთობბაზასა და უკრაინაში აზერბაიჯანის სხვა ობიექტებზე, ასევე უკრაინაში აზერბაიჯანული გაზის ტრანსპორტირებისას განხორციელებული გაზის კომპრესორულ სადგურზე მიზანმიმართული საჰაერო დარტყმები და გამოთქვეს რწმენა, რომ ეს ვერანაირ გარემოებაში ვერ გამოიწვევს აზერბაიჯანსა და უკრაინას შორის ენერგეტიკის სექტორში თანამშრომლობის შეჩერებას.