დღეს, 18 ივნისს, საპარლამენტო ოპოზიციამ ნაციონალურმა მოძრაობამ საგარეჯოში თავისი მაჟორიტარობის კანდიდატად ზურაბ ჭიაბერაშვილი წარადგინა.

კანდიდატი პარტიის ლიდერმა დავით ბაქრაძემ დაასახელა. მან თქვა, რომ ენმ ერთადერთი ძალაა, რომელმაც იცის რა სჭირდება ხალხს და როგორ უნდა წავიდეს ქვეყანა წინ.

"სამუშაო ადგილები და დასაქმება, ეს არის მთავარი პრობლემა დღეს საქართველოში. მე დარწმუნებული ვარ, რომ თუ ვინმე გამოადგება დღეს საგარეჯოს, ეს იქნება ზურაბ ჭიაბერაშვილი" - განაცხადა დავით ბაქრაძემ.

ჭიაბერაშვილმა ადგილზე შეკრებილ მოქალაქეებს მიმართა და გაიხსნება რომ მათთან ერთად ხშირად უზეიმია გამარჯვება:

"ნაციონალური მოძრაობისთვის 8 ოქტომბერი არის საშუალება და არა მიზანი. ჩვენი მიზანი არის თითოეული ადამიანის კეთილდღეობა, სამუშაო ადგილების შექმნა, რისთვისაც აუცილებელია ეკონომიკის ამუშავება".

ბრიფინგზე რომან გოცირიძეც გამოვიდა, რომელიც ენმ-ს სიის ათეულშია. მან განაცხადა, რომ სოციალურ და სამედიცინო სფეროში ზურაბ ჭიაბერაშვილი "უკონკურენტოა".

ენმ-მ გურჯაანის მაჟორიტარად გიორგი ღვინიაშვილი წარადგინა