იტალიელი ქალის საქორწინო ცერემონია ტრადიციების სრული დაცვით ჩატარდა: მეჯვარეები, თეთრი კაბა, 3-სართულიანი ტორტი, სტუმრები. 40 წლის ლაურა მესის რჩეული საკუთარი თავი იყო.

"მჯერა, რომ პირველ რიგში საკუთარი თავები უნდა შევიყვაროთ. შეიძლება ზღაპარში იცხოვრო, ამისთვის პრინცი სულაც არაა საჭირო" - ამბობს ფიტნეს-ტრენერი.

ლაურას თქმით, საკუთარ თავთან დაქორწინების იდეა 38 წლის ასაკში დაებადა, როდესაც ყოფილ პარტნიორთან 12-წლიანი ურთიერთობა დაასრულა.

"მეგობრებს ვუთხარი, რომ თუ 40 წლამდე ჩემს მეორე ნახევარს ვერ ვიპოვიდი, საკუთარ თავზე ვიქორწინებდი. თუ ოდესმე ჩემს შესაფერის კაცს ვიპოვი და მასთან მომავალს დავგეგმავ, ბედნიერი ვიქნები, თუმცა ჩემი ბედნიერება მასზე არ იქნება დამოკიდებული" - ამბობს ის.

ლაურას თქმით, ის პირველი იტალიელი ქალია, რომელმაც საკუთარ თავზე იქორწინა.