საქართველოს პროკურატურამ ირაკლი ფირცხალავს ე.წ. ციანიდის საქმის მოწმის, ჟურნალისტ ირაკლი მამალძის მიმართ შესაძლო ზეწოლის საქმეზე ჩვენების არ მიცემის გამო პასუხისსგებაში მისცა. ამის შესახებ ინფორმაცია თავად პროკურატურამ გაავრცელა.

საქართველოს პროკურატურამ ჟურნალისტ ირაკლი მამალაძის განცხადების საფუძველზე, მის მიმართ განხორციელებული შესაძლო ზეწოლის საქმეზე, გამოძიება 25 ივნისს დაიწყო.

"გამოძების დაწყებას საფუძვლად დაედო მოქალაქე ირაკლი მამალაძის განცხადება, რომელშიც იგი მიუთითებს, რომ მასზე, როგორც ბრალდების მხარის მოწმეზე, მსჯავრდებულ ირაკლი ფირცხალავას მხრიდან ხორციელდება ფსიქოლოგიური ზემოქმედება, რაც მიზნად ისახავს მის მიერ მიცემული ჩვენების შეცვლას," - აცხადებდნენ პროკურატურაში.

პროკურატურა საქმეს სისხლის სამართლის კოდექსის 372-ე მუხლის პირველი ნაწილით იძიებს. ამ მუხლით, მოწმისადმი მიმართვა ან მისი დაყოლიება, შესაბამისად, ცრუ ინფორმაციის მიწოდებისათვის ან ცრუ ჩვენების მიცემისათვის, ან მის მიერ მიწოდებული ინფორმაციის ან მიცემული ჩვენების ან დასკვნის შეცვლისათვის ისჯება ჯარიმით ან საზოგადოებისათვის სასარგებლო შრომით ვადით ას ოთხმოციდან ორას ორმოც საათამდე ან გამასწორებელი სამუშაოთი ვადით ორ წლამდე ანდა თავისუფლების აღკვეთით ვადით ერთიდან სამ წლამდე.

5 სექტემბერს თბილისის საქალაქო სასამართლომ ე.წ. ციანიდის საქმეზე გადაწვეტილება გამოაცხადა. დეკანოზი გიორგი მამალაძე სასამართლომ დამნაშავედ სცნო და მას შორენა თეთრუაშვილის განზრახ მკვლელობის მომზადებისა და იარაღის უკანონო შენახვა-ტარებისთვის ცხრაწლიანი პატიმრობა მიუსაჯა.