ტაილანდსა და კამბოჯას შორის მძიმე საარტილერიო შეტევები დღესაც გაგრძელდა — ეს რეგიონში ბოლო ათწლეულის განმავლობაში ყველაზე მწვავე დაპირისპირებაა. მიუხედავად იმისა, რომ როგორც რეგიონიდან, ისე გლობალურად, ცეცხლის დაუყოვნებელი შეწყვეტისკენ მოწოდებები კეთდებოდა, დაპირისპირებას უკვე მინიმუმ 16 ადამიანი ემსხვერპლა. ინფორმაციას Reuters ავრცელებს.

ტაილანდის სამხედროებმა განაცხადეს, რომ კამბოჯამ მძიმე არტილერია და რუსული წარმოების BM-21 ტიპის რეაქტიული სისტემები გამოიყენა. ხელისუფლების ცნობით, ტაილანდის მხარეს კონფლიქტის ზონებიდან დაახლოებით 100,000 ადამიანი იქნა ევაკუირებული.

"კამბოჯის ძალები მძიმე იარაღით, საველე არტილერიითა და BM-21 სისტემებით ინტენსიურად ბომბავენ," — ნათქვამია ტაილანდის არმიის განცხადებაში.

დაპირისპირება ხუთშაბათს სადავო სასაზღვრო ზონაში დაიწყო, რასაც მალევე იარაღიდან ცეცხლის გახსნა და შემდეგ ექვს სხვადასხვა ადგილას მძიმე დაბომბვა მოჰყვა. ეს ტერიტორია საუკუნეზე მეტია, სადავოდ მიიჩნევა.

ამ თემაზე იხილეთ:

ტაილანდის F-16 ტიპის გამანადგურებელმა კამბოჯის სამხედრო ობიექტები დაბომბა