თბილისში, ზემო ფონიჭალის 206-ე საბავშვო ბაღის მეორე სართულიდან ბავშვი გადმოვარდა. ბავშვი ინგოროყვას სახელობის კლინიკაშია გადაყვანილი.

ბაგა-ბაღების მართვის სააგენტოს დირექტორი, თემურ თორდინავა ამბობს, რომ სამი წლის აღსაზრდელის გადმოვარდნის შესახებ დეტალებს არკვევენ.

შინაგან საქმეთა სამინისტროს მიერ On.ge-სთვის მიწოდებული ინფორმაციით, ბავშვის სიცოცხლეს საფრთხე არ ემუქრება, საქმეზე გამოძიება კი სისხლის სამართლის კოდექსის 124-ე მუხლით დაიწყეს. ამ მუხლით, ჯანმრთელობის ნაკლებად მძიმე ან მძიმე დაზიანება გაუფრთხილებლობით ისჯება ჯარიმით ან გამასწორებელი სამუშაოთი ვადით ორ წლამდე.