ისანში დაპირისპირების შედეგად კაცმა საკუთარი მეზობელი მოკლა. TV პირველის ინფორმაციით, მომხდარს წინ ავტოსადგომისთვის დაწყებული ჩხუბი უძღოდა.

ბრალდებული კლინიკაშია გადაყვანილი და მას გამოჯანმრთელების შემდეგ დააკავებენ. ფიზიკური დაზიანებები მასაც აღენიშნება.

NEWS.On.ge-ს შინაგან საქმეთა სამინისტროში განუცხადეს, რომ მკვლელობა ცხელ კვალზე გახსნეს. გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობასა და ცეცხლსასროლი იარაღის მართლსაწინააღმდეგო შეძენა-შენახვას გულისხმობს.