საერთაშორისო პრესის ინსტიტუტის (IPI) განცხადებით, საგანგაშო გაფრთხილებას საქართველოში მედიათავისუფლების კრიზისთან დაკავშირებით და მოუწოდებს ევროკავშირსა და საერთაშორისო საზოგადოებას, დაუყოვნებლივ იმოქმედონ. ორგანიზაციის შეფასებით, ქართული ოცნება დემოკრატიული ინსტიტუტების დემონტაჟს და დამოუკიდებელი მედიის ჩახშობას ცდილობს, რაც ქვეყანას ავტორიტარიზმისკენ გადაჰყავს.

ორგანიზაციის განცხადებაში საუბარია "სიტყვისა და გამოხატვის თავისუფლების შესახებ" კანონში შეტანილ ცვლილებზე, რომლის მიხედვითაც გაუქმდა "პროფესიული საიდუმლოების გამხელას" — პირი აღარ აქვს უფლება დაიცვას ინფორმაციის მომწოდებელი წყაროს ვინაობა და დასძინა, რომ ეს ცვლილება "აჭარბებს თავისუფალი სიტყვის რეგულირებას".

"დასმენის მუხლში შეიცვალა სტანდარტი: აღარ არის საჭირო, რომ განცხადებამ კონკრეტული ზიანი მიაყენოს ადამიანს — საკმარისია რეპუტაციისთვის საზიანოდ შეფასდეს.
პასუხისმგებლობა გადადის ჟურნალისტზე, რომელმაც თავად უნდა დაამტკიცოს, რომ განცხადება სიმართლეა.

გაუქმდა დაცვის მექანიზმები, რომლებიც იცავდა ჟურნალისტებს კეთილსინდისიერი რეპორტინგისას ან კონფიდენციალური წყაროს არ გახმოვანების შემთხვევაში.
კანონი უკუძალით ძალასაც ითვალისწინებს — შესაძლებელია ადამიანი დასაჯონ განცხადებისთვის, რომელიც კანონამდე 100 დღის წინ განაცხადა," — ვკითხულობთ განცხადებაში.

განცხადებაში ასევე საუბარია "საერთო სასამართლოების შესახებ" კანონში ცვლილებზე, რომლითაც მედიებს სასამართლო პროცესის, შენობის დერეფნის და ეზოს გადაღების უფლება ეზღუდებათ. სასამართლო პროცესების ვიდეო ან აუდიო გადაღების უფლება იუსტიციის უმაღლესი საბჭომ უნდა უზრუნველყოს. ორგანიზაციი შეფასებით, "ეს ცვლილებები მედიას გახმაურებული პროცესები, მათ შორის პოლიტპატიმრებთან დაკავშირებული საქმეების გაშუქებას უზღუდავს".

რაც შეეხება ნეტგაზეთისა და ბათუმელების დირექტორს, მზია ამაღლობელს, ორგანიზაციის განცახდებაში ვკითხულობთ, რომ ჟურნალისტის წინასწარ პატიმრობაში ყოფნა მისი მძიმე ჯანმრთლობის მდგომარეობის მიუხედავად "დამოუკიდებელი ჟურნალისტის წინააღმდეგ გამოყენებულ ანგარიშსწორებაა".

"ზეწოლა უნდა განხორციელდეს არა მხოლოდ ქართული ოცნების ოფიციალურ პირებზე, არამედ ყველა გადაწყვეტილების მიმღებზე, მათ შორის მოსამართლეებზე, რომლებიც პასუხისმგებელნი არიან მედიაზე თავდასხმებზე, საზოგადოებრივი მაუწყებლის ჩაგდებაზე და ჟურნალისტებზე ჩადენილი დანაშაულების დაუსჯელობაზე.

ამავდროულად, ჩვენ კვლავ მოვუწოდებთ მმართველ პარტიას, გააუქმოს რეპრესიული კანონმდებლობა — მათ შორის, უცხოელი აგენტების რეგისტრაციის შესახებ კანონი (FARA), მაუწყებლობის შესახებ კანონში შეტანილი ცვლილებები და გრანტების რეგულაცია. ასევე მოვუწოდებთ საქართველოს პარლამენტს, გააუქმოს სიტყვის თავისუფლების შესახებ კანონში მიღებული ცვლილებები და სასამართლო პროცესების გაშუქების შეზღუდვები.

ჩვენ კიდევ ერთხელ ვუხმობთ ხელისუფლებას გაათავისუფლოს უკანონოდ დაკავებული ვეტერანი ჟურნალისტი მზია ამაღლობელი, რომელიც დამოუკიდებელი ქართული მედიის სიმტკიცის სიმბოლოდ იქცა," — ვკითხულობთ განცახდებაში.