"მე სააკაშვილის მხარდამჭერი ვიყავი, რა თქმა უნდა ვიყავი, მივესალმებოდი იმ პოლიტიკას რომელიც მან დაიწყო და წამოიწყო, თუმცა ვიყავი პირველი და ერთ-ერთი, ვინც პირდაპირ საუბრობდა იმაზე, რაც არ მომწონდა" — ამის შესახებ თბილისის მერმა კახა კალაძემ სასამართლო სხდომების დახურვასთან დაკავშირებით ჟურნალისტის მიერ დასმული კითხვის საპასუხოდ განაცხადა.

ჟურნალისტმა თბილისის მერს გაახსენა, რომ ის მიხეილ სააკაშვილის მხარდამჭერი იყო 2007 წელსაც, როდესაც სასამართლოში მედიის მუშაობა შეიზღუდა — კითხვას, თუ რა პოზიცია ჰქონდა იმ დროს, კალაძემ თავი აარიდა:

"კიდევ ერთხელ ვიმეორებ, თქვენ მოგწონდათ რაც ხდებოდა სასამართლოს დარბაზებში? როგორ შეიძლება მოგწონდეს ამდენი ადამიანის [ციხეში ყოფნა], მაგრამ როდესაც შენ მიკროფონს ურტყამ თავში პოლიციელს, ქვას ესვრი, ცოცხლად წვავ ადამიანს, ამის მცდელობა გაქვს. როგორ ქვეყანაში ვცხოვრობთ ჩვენ, კანონმა უნდა იარსებოს თუ არა?!" — თქვა კალაძემ.

ასევე იხილეთ: