"გვარამია, ჯაფარიძე, ხაზარაძე, [ბადრი] ჯაფარიძე და ვაშაძე — საქართველოში ბოლო ორი კვირის განმავლობაში ექვსი ოპოზიციონერი ლიდერი დააკავეს. რის გაკეთებას აპირებს დიდი ბრიტანეთის მთავრობა ამასთან დაკავშირებით? და რა არის დიდი ბრიტანეთის მთავრობის მესიჯი ქართველი ხალხისადმი, რომლებიც ამ უზარმაზარ დემოკრატიულ უკუსვლას განიცდიან?" — ასე მიმართა კონსერვატიული პარტიის წარმომადგენელმა, პარლამენტარმა მარკ პრიტჩარდიმ ბრიტანეთის პარლამენტს.

მისი გამოსვლის შემდეგ, ევროპის საკითხებში გაერთიანებული სამეფოს სახელმწიფო მინისტრმა სტივენ დაუთიმ საქართველოში ოპოზიციური სპექტრის დევნა დაგმო. მისი განცხადებით, ახლახან "ქართულ ოცნებას წუხილები გადასცა და ამას კვლავ გააკეთებს"

"ვგმობთ არა მხოლოდ ოპოზიციონერი პოლიტიკოსების დაპატიმრებებს, არამედ სამოქალაქო საზოგადოების სივრცის დახურვასაც. ქართველმა ხალხმა ნათელი გახადა თავიანთი ევროატლანტიკური მისწრაფებები და ჩვენ სრულიად ვგმობთ არა მხოლოდ ოპოზიციონერი პოლიტიკოსების დაპატიმრებებს, არამედ სამოქალაქო საზოგადოების სივრცის დახურვასაც. ბოლო რამდენიმე კვირის განმავლობაში ქართულ ოცნებას ჩემი წუხილები პირდაპირ გადავეცი და კვლავ გავაკეთებთ ამას", — განაცხადა სტივენ დაუთიმ.

ბრიტანელმა მინისტრმა ბრიტანეთის პარლამენტში სიტყვით გამოსვლამდე სოციალურ ქსელ X-ზეც დაწერა, რომ ქართულმა ოცნებამ უნდა შეწყვიტოს განსხვავებული აზრის გაჩუმება და გაათავისუფლოს პოლიტიკური პატიმრები