ბელარუსმა ოპოზიციონერმა, სერგეი ტიხანოვსკიმ, რომელიც პრეზიდენტმა ალექსანდრ ლუკაშენკომ ციხიდან გუშინ გაათავისუფლა, განაცხადა, რომ ის და თავისი ცოლი ბრძოლას გააგრძელებენ. მან მხარდამჭერებს მოუწოდა, გააგრძელონ ბრძოლა ცვლილებებისთვის და პოლიტიკური პატიმრების გათავისუფლებისთვის. ამის შესახებ ინფორმაციას Reuters ავრცელებს.

აშშ-ის შუამავლობით მიღწეული შეთანხმების ფარგლებში, სერგეი ტიხანოვსკი ხუთ წელზე მეტი ხნის პატიმრობის შემდეგ და ლიეტუვაში გადაიყვანეს, სადაც ცოლს, სვიატლანა ტიხანოვსკაიას შეხვდა.

"დამიჯერეთ ეს ცარიელი სიტყვები არ არის, უახლოეს თვეში, ყველა ბელარუსი პოლიტპატიმარი შეიძლება გათავისუფლდეს საპატიმროდან. ეს დამოკიდებულია თქვენზეც. გთხოვთ, მიიტანეთ ეს ინფორმაცია [დონალდ ტრამპამდე], დონალდ ტრამპს ერთი სიტყვით რეალურად შეუძლია ამ საკითხის გადაწყვეტა, — განაცხადა სერგეი ტიხანოვსკიმ.

ბელარუსი დისიდენტის ცოლმა, სვეტლანა ტიხანოვსკაიამ განაცხადა, რომ ის და მისი ქმარი ერთად გააგრძელებენ ბრძოლას ბელარუსის და სხვა პოლიტიკური პატიმრების გასათავისუფლებლად.

"ის ცოცხალია, ღმერთს მადლობა, ერთად ვართ და ერთად ვაგრძელებთ ბრძოლას ჩვენი სამშობლოსა და დანარჩენი პოლიტიკური პატიმრების გასათავისუფლებლად... მადლობა მინდა გადავუხადო ტრამპს და მის ადმინისტრაციას. მათი დახმარების გარეშე ეს მომენტი შეუძლებელი იქნებოდა,"— განაცხადა სვეტლანა ტიხანოვსკაიამ კვირას, ვილნიუსში გამართულ პრესკონფერენციაზე.

ლიეტუვამ შაბათს განაცხადა, რომ ციხიდან კიდევ 13 პატიმარი გაათავისუფლეს — ეს არის ალექსანდრ ლუკაშენკოს ყველაზე მნიშვნელოვანი ნაბიჯი დასავლეთთან იზოლაციის დასრულების მცდელობის ფარგლებში.

ცნობისთვის, 46 წლის ვიდეობლოგერი, სერგეი ტიხანოვსკი 2020 წელს დააკავეს, როცა ლუკაშენკოსთვის საპრეზიდენტო არჩევნებში კონკურენციის გაწევას აპირებდა.