Times Of Israel ისრაელის სასწრაფო დახმარების სამსახურზე (MDA) დაყრდნობით აცხადებს, რომ ირანის მიერ განხორციელებული ბალისტიკური რაკეტების ბოლო თავდასხმის შემდეგ 16 დაშავებულის შესახებ არის ცნობილი.

დაახლოებით 30 წლის ერთი მამაკაცი, საშუალო სიმძიმის დაზიანებებით კლინიკაში ნამსხვრევების გამო მიყენებული ჭრილობებით გადაიყვანეს. კიდევ 15 ადამიანი მსუბუქად დაშავდა.

რაკეტების ჩამოვარდნის შემთხვევები დაფიქსირდა ისრაელის ცენტრალურ ნაწილში მას შემდეგ, რაც საჰაერო განგაშის სირენები ჩაირთო. ერთ-ერთი რაკეტა ჰაიფას მოხვდა, თუმცა ამ კონკრეტულ ადგილას განგაშის სიგნალი არ ჩართულა.

ცნობისთვის, შეერთებულმა შტატებმა 22 ივნისს ირანში სამ ძირითად ბირთვულ ობიექტზე, ფორდოუზე, ისპაჰანსა და ნათანზიზე, იერიში მიიტანა, რომლის შედეგადაც The Times of Israel-ის ცნობით, 86 ადამიანი დაშავდა. ატომური ენერგიის საერთაშორისო სააგენტოს ცნობით, დაბომბვის შედეგად ირანის ბირთვულ ობიექტებზე რადიაციის დონე არ გაზრდილა.