ქობულეთი-ბათუმის შემოვლით ცენტრალურ საავტომობილო გზაზე ავტოსაგზაო შემთხვევას 3 ადამიანი ემსხვერპლა. ერთი დაშავებული კლინიკაში გარდაიცვალა, დედა-შვილი კი ადგილზე დაიღუპა. შემთხვევა გუშინ, სოფელ ხუცუბანთან მოხდა.

"აჭარა თაიმსის" ინფორმაციით, მძიმედ დაშავდა კიდევ 2 ადამიანი. ისინი საავადმყოფოში მოათავსეს. გამოცემის ცნობით, ერთმანეთს სატვირთო და მსუბუქი ავტომობილი შეეჯახა.

როგორც NEWS.On.ge-ს შინაგან საქმეთა სამინისტროში განუცხადეს, მომხდარზე დაწყებულია გამოძიება.