დღეს გენერალურ პროკურატურაში 13:00 საათზე ალექსანდრე ტაბატაძე და 18:00 საათზე კახა კახიშვილი არიან დაბარებულები. ინფორმაცია IPN-ს უწყებაში დაუდასტურეს. ცნობისთვის, ალექსანდრე ტაბატაძე ჩორჩანას ეპიზოდის დროს სახელმწიფო უსფრთხოების სამსახურის უფროსის მოადგილე იყო, კახა კახიშვილი კი მთავრობის ადმინისტრაციის უფროსი.

შეგახსენებთ, პროკურატურის ცნობით, დაწყებული გამოძიება "2019 წლის 24 აგვისტოს სოფელ ჩორჩანასთან საოკუპაციო ხაზის გასწვრივ შინაგან საქმეთა ყოფილი მინისტრის, გიორგი გახარიას მიერ განხორციელებული ქმედებას ეხება".

უწყების ცნობით, გამოძიება სისხლის სამართლის კოდექსით, "საბოტაჟის, უცხოეთის ორგანიზაციისათვის და უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარების და საქართველოს კონსტიტუციური წყობილების და ეროვნული უშიშროების საფუძვლების წინააღმდეგ მიმართული საქმიანობისთვის ფინანსების მობილიზების ფაქტზე" მიმდინარეობს.

ორი დღის წინ ამ საქმეზე სანქცირებული ყოფილი შს მინისტრი ვახტანგ გომელაური დაიკითხა.

ასევე იხილეთ: