"მალე მშვიდობა დამყარდება ისრაელსა და ირანს შორის!", — ამის შესახებ აშშ-ს პრეზიდენტი დონალდ ტრამპი სოციალურ ქსელ Truth Social-ში წერს.

ტრამპი გულდაწყვეტით წერს, ახლა ბევრი სატელეფონო საუბარი და შეხვედრა იმართება და ბევრს აკეთებს იმისთვის, რომ ახლო აღმოსავლეთში მშვიდობა იყოს, მაგრამ "არასდროს აღიარებენ მის დამსახურებას, მაგრამ ეს ნორმალურია, ხალხი ხვდება", — წერს აშშ-ს პირველი პირი.

"ირანმა და ისრაელმა შეთანხმება უნდა დადონ და შეთანხმებას აუცილებლად დადებენ, ისევე როგორც მე ინდოეთი და პაკისტანი დავარწმუნე, ამ შემთხვევაში კი შეერთებულ შტატებთან ვაჭრობის გამოყენებით, რათა მოლაპარაკებებში გონიერება, ერთიანობა და საღი აზრი შემოიტანონ ორ შესანიშნავ ლიდერთან, რომლებმაც სწრაფად მიიღეს გადაწყვეტილება და შეწყვიტეს მოქმედება! ასევე, ჩემი პირველი ვადის განმავლობაში, სერბეთსა და კოსოვოს შორის დაპირისპირება დაძაბული იყო, როგორც ეს ათწლეულების განმავლობაში ხდებოდა და ეს ხანგრძლივი კონფლიქტი ომში გადაზრდილიყო. მე ეს შევაჩერე (ბაიდენმა რამდენიმე ძალიან სულელური გადაწყვეტილებით გრძელვადიანი პერსპექტივები დააზარალა, მაგრამ მე ამას კიდევ ერთხელ გამოვასწორებ!). კიდევ ერთი შემთხვევაა ეგვიპტე და ეთიოპია და მათი დავა უზარმაზარი კაშხლის გამო, რომელიც გავლენას ახდენს დიდებულ მდინარე ნილოსზე. ჩემი ჩარევის წყალობით, სიმშვიდეა, სულ მცირე, ახლა და ასეც დარჩება! ასევე, მალე მშვიდობა დამყარდება ისრაელსა და ირანს შორის! ახლა ბევრი ზარი და შეხვედრა იმართება. ბევრს ვაკეთებ და არასდროს აღიარბენ ჩემს დამსახურებას ამის გამო, მაგრამ ეს ნორმალურია, ხალხი ხვდება. კვლავ გახადეთ ახლო აღმოსავლეთი დიდებული!", — წერს ტრამპი.