გერმანული კონგლომერატი Bayer და ბოსტონური სტარტაპი Ginko Bioworks ერთობლივი კომპანიის შექმნას აანონსებენ, რომლის მიზანიც ისეთი მარცვლეულის შექმნა იქნება, რომლებიც საჭირო სასუქს თავად გამოიმუშავებენ. პროექტის წარმატების შემთხვევაში, კომპანია სიმინდის, ხორბლისა და ბრინჯის ისეთ ჯიშებს შექმნის, რომლებიც აზოტის სასუქს თავად მიიღებენ.

ახალ კომპანიაში უკვე $100 მილიონის ინვესტიცია ჩაიდო.

Ginko-ს აღმასრულებელი დირექტორი ჯეისონ კელი ამბობს, რომ ახალდაფუძნებული კომპანიის 50 თანამშრომელი მიკრო ორგანიზმის, მცენარის მიკრობიომის შექმნაზე იმუშავებს, რომელიც სასუქების $80 მილიარდიან ინდუსტრიას დიდ დარტყმას მიაყენებს და გარემოს დაბინძურებასაც შეამცირებს.

რამდენიმე სახეობის მცენარე, მაგალითად, მიწისთხილი და სოიო, საჭირო აზოტს თავად გამოიმუშავებენ, შესაბამისად, დამატებითი სასუქები არ სჭირდებათ. Bayer-ისა და Ginkgo-ს გუნდს უნდა, რომ შექმნას აზოტის მწარმოებელი მიკრობიომი და მცენარეთა თესლები სინთეტიკური უჯრედებით შემოსოს.

პროექტი, წარმატების შემთხვევაში, აგრობიზნესში რევოლუციას მოახდენს. ახალი ტიპის მარცვლეული ფერმერების ხარჯებს საგრძნობლად შეამცირებს, ხოლო მოსავლიანობას გაზრდის.