საქართველოში ევროკავშირის ელჩმა იანუშ ჰერმანმა ვანო მერაბიშვილის საქმეზე, ევროსასამართლოს გადაწყვეტილების შესახებ კომენტარი გააკეთა. მისი განცხადების თარგმანს რუსთავი 2 ავრცელებს. ელჩის თქმით, ის მხარს უჭერს სასამართლო რეფორმის სისტემას, რათა მან დამოუკიდებლად იმუშავოს:

"ევროსასამართლოს გადაწყვეტილებაში აღნიშნულია, რომ ვანო მერაბიშვილის წინასწარი პატიმრობა იყო კანონიერი და გონივრული საფუძველი ჰქონდა, მაგრამ მეორეს მხრივ, წინასწარი პატიმრობა გამოყენებული იყო მასზე ზეწოლის მოსახდენად. საქართველოს მთავრობა ამბობს, რომ მზადაა კვლავ გამოიძიოს ის საქმეები, რომლებიც მოყვანილია ევროსასამართლოს გადაწყვეტილებებში და რომლებიც არ შეესაბამება ადამიანის უფლებათა დაცვის ევროპულ კონვენციას".