ირაკლი კობახიძე ეხმაურება ევროპელი და ამერიკელი პარლამენტარების მათ შორის ჯო უილსონის პორტუგალიისადმი მოწოდებას, რომ არ დაუშვან ქართული ოცნების წარმომადგენლების ეუთოს საპარლამენტო ასამბლეაში მონაწილეობა.

"რომ შევხედოთ ჯო უილსონს, ისიც ძალიან წააგავს თავისი ნატურით "ცეკას" მდივანს. ჩვეულებრივი საბჭოური მიდგომებია, რაც არ შეშვენის ამერიკის შეერთებულ შტატებს, არ შეშვენის ევროპას. ჩვენ სხვანაირ ევროპას ვიცნობდით ჯერ კიდევ გასული საუკუნის ბოლოს. სხვანაირ ამერიკის შეერთებულ შტატებს ვიცნობდით და არა ისეთს, როგორსაც ჯო უილსონი განასახიერებს. იმედია, ეს ყველაფერი შეიცვლება. პირველ რიგში, თვითონ ამერიკის შეერთებული შტატებისთვის, ევროპისთვის არის მნიშვნელოვანი ასეთი საბჭოური დამოკიდებულების ნაცვლად ჯანსაღი დამოკიდებულებები დამკვიდრდეს.

[…] „რა თქმა უნდა, რასაც არის ამ საბჭოური მიდგომების ერთ-ერთი გამხმოვანებელი. აქაც იგივე ტიპაჟია — ჯო უილსონი და რასა აბსოლუტურად ერთნაირი ტიპაჟია. პირდაპირ გამოსჭვივის "ცეკას" სულისკვეთება ამ ადამიანებისგან. პოსტსაბჭოთა რესპუბლიკას წარმოადგენს ქალბატონი რასა და როგორ ჩანს, ვერ გამოვიდა საკუთარი საბჭოთა გამოცდილებიდან, რაც ძალიან სამწუხაროა. ჩვენ გვჭირდება სამართლიანი და ჯანსაღი მიდგომა, რასაც ვერ ვხედავთ ასეთი ადამიანების მხრიდან. ის ნამდვილად არის დიქტატორ სააკაშვილის მეგობარი, ის მეგობრობდა ჯერ კიდევ მაშინ, როდესაც სააკაშვილი რეჟიმის ხელმძღვანელი იყო დღემდე აგრძელებს ამ მეგობრობას", — თქვა კობახიძემ.

შეგახსენებთ, რომ ჰელსინკის კომისია X-ზე წერილს ავრცელებს, რომელშიც აშშ-ის, გაერთიანებული სამეფოს, პოლონეთის, ლიეტუვის, ლატვიის, უკრაინის და შვედეთის დელეგაციის ხელმძღვანელები და კომისიის სხვა წევრები პორტუგალიას მოუწოდებენ ქართულ ოცნებას ეუთოს საპარლამენტო ასამბლეის (OSCE PA) 32-ე ყოველწლიურ სესიაზე მონაწილეობის უფლება არ მისცეს.