რობერტ დე ნირომ კანის 78-ე კინოფესტივალზე ანანო ბაკურაძის შეკითხვას, რომელიც საქართველოში მიმდინარე ავტოკრატიულ და დიქტატორულ მოვლენებსა და ანდრო ჭიჭინაძის პატიმრობას შეეხებოდა, უპასუხა:

"სანამ ეს ხდება, ადამიანები უნდა დადგნენ სიმართლის მხარეს, რადგან შინაგანად მათ იციან, რა არის სწორი. მაგრამ ისინი აკეთებენ იმას, რაც არასწორია.

ეს იგივეა, რომ თუ რაიმეს წყლის ზედაპირზე ჩააგდებ, ის მაღლა ამოტივტივდება. მაღლა კი სამართლიანობაა და სიცხადეა ჩემთვის. ადამიანებმა იციან რა არის საჭირო იმისთვის, რომ სწორი ნაბიჯები გადადგან.

ადამიანებმა, რომლებიც სწორად არ იქცევიან, ეს იციან. მე ვიცი, რომ მათ ეს უნდა აწუხებდეთ. ეს მოხდა საქართველოშიც, როგორც სხვა ქვეყნებში. არიან ადამიანები, რამდენიმე ტირანია, რომლებიც კონტროლს ამყარებენ სხვა დანარჩენზე. ის ადამიანები, ვინც დიქტატურაში, ავტოკრატიაში, თუ მონარქიაში არიან, ადამიანებს აქვთ უფლება მიიღონ გადაწყვეტილებები ერთად. ბევრს ამის არ სჯერა, განსაკუთრებით მაშინ, როცა მათ აქვთ ძალაუფლება ფულადი თუ პოლიტიკური, მათ ამის დათმობა არ სურთ და არ სურთ სწორი ნაბიჯების გადადგმა, რაც მეტ ძალაუფლებას მისცემდათ, თუ სწორ ნაბიჯებს გადადგამდნენ. აი, ეს არ მესმის," — თქვა დე ნირომ.

@anano.movement

♬ son original - Anano Bakuradzé

მსახიობს კანის 78-ე კინოფესტივალის ფარგლებში, მისი კარიერის აღსანიშნავად საპატიო "ოქროს პალმის რტო" გადაეცა.

ცნობისთვის, რობერტ დე ნირო საქართველოში 1987 წელს, მოსკოვის საერთაშორისო კინოფესტივალის შემდეგ ჩამოვიდა, სადაც ის ჟიურის თავმჯდომარე იყო. ფესტივალზე მან ქართველი მსახიობი ია ფარულავა "ფესტივალის ყველაზე ლამაზ ქალად" დაასახელა. მოგვიანებით, დე ნირო თბილისში ჩამოვიდა, სადაც მას ია ფარულავა და სხვა ქართველი ხელოვანები მასპინძლობდნენ

რობერტ დე ნირო საქართველოში

რობერტ დე ნირო საქართველოში

ფოტო: ეროვნული ბიბლიოთეკა