"ღიად ვუთხარი ქართულ მხარეს, რომ ძალიან იმედგაცრუებული ვარ, როდესაც მივიღეთ გადაწყვეტილება, რომ უნდა ჰქონოდათ ევროპული მომავალი მათ უკუსვლა გადაწყვიტეს", — ამის შესახებ ლუქსემბურგის საგარეო საქმეთა მინისტრმა, ქსავიერ ბეტელმა ლუქსემბურგის მინისტერიალის შემდეგ გამართულ პრესკონფერენციაზე, "ევროსკოპის" ქართველი ჟურნალისტის, თამარ ნუცუბიძის კითხვის საპასუხოდ განაცხადა.

მისი თქმით, თუ ოცნება წავა არასწორი გზით, საქართველო უფრო დაშორდება ევროპულ მომავალს.

"ღიად ვუთხარი ქართულ მხარეს, რომ ძალიან იმედგაცრუებული ვარ, როდესაც მივიღეთ გადაწყვეტილება, რომ უნდა ჰქონოდათ ევროპული მომავალი მათ უკუსვლა გადაწყვიტეს. ძალიან რთულია. ჟურნალისტები, ხალხი, უმცირესობები, ყველა ეს საკითხი. წლების და თვეების განმავლობაში ამბობდნენ, რომ სურთ ევროპასთან დაახლოება, იმ დღეს კი როდესაც ვუთხარით, რომ მოდით დავიწყოთ თაფლობის თვე, მათ გაყრის პროცესი დაიწყეს. საჭიროა გულახდილები ვიყოთ მათთან. თუ წავლენ არასწორი გზით, უფრო დაშორდებიან ევროპულ მომავალს. ეს იყო ის, რაც გასულ წელს მოხდა. ეს ჩემი პირადი აზრია, — განაცხადა ქსავიერ ბეტელმა ("ფორმულას" თარგმანი).

ცნობისათვის, მინისტერიალს ოცნების საგარეო საქმეთა მინისტრი, მაკა ბოჭორიშვილიც ესწრებოდა.