საინფორმაცო ტექნოლოგიები ერთ-ერთი ყველაზე სწრაფად მზარდი და მოთხოვნადი სფეროა თანამედროვე სამყაროში. ტექნოლოგიური პროგრესი მრავალმხრივ განვითარებულ პროფესიონალებს საჭიროებს, რადგან დღეს არამხოლოდ კონკრეტული დავალების გადწყვეტა, არამედ იმის ცოდნაც მნიშვნელოვანია, თუ როგორ გადაიქცეს იდეა რეალურ პროდუქტად.

ალტე უნივერსიტეტის კომპიუტერული მეცნიერებების საბაკალავრო პროგრამა სწორედ მომავალი ტექნოლოგიური ლიდერებისთვის არის შექმნილი და ის როგორც საერთაშორისო პრაქტიკას, ისე საქართველოს ICT სექტორის დარგობრივ მოთხოვნებს აერთიანებს.

Სწავლება თეორიისა და პრაქტიკის კავშირის პრინციპით მიმდინარეობს. სტუდენტები ჯერ კიდევ სწავლის პერიოდში ქმნიან რეალურ აპლიკაციებს, სისტემებს და მუშაობენ ინდივიდუალურ თუ გუნდურ პროექტებზე. შეფასება მრავალკომპონენტიანი — როგორც განმავითარებელი, ასავე განმსაზღვრელია.

ალტე უნივერსიტეტის საინფორმაციო ტექნოლოგიების სკოლის დეკანი, რუსო სანაძე, პროგრამის ძირითად ღერძს ასე აღწერს:

“ალტე უნივერსიტეტის კომპიუტერული მეცნიერებების საბაკალავრო პროგრამა აგებულია დარგობრივ სტანდარტებზე და ფოკუსირებულია იმაზე, რომ სტუდენტი ჯერ კიდევ სწავლის პერიოდში ჩაერთოს რეალურ პროექტებში როგორც ინდივიდუალურად, ისე — გუნდურად. Პროგრამა ითვალისწინებს ისეთი სიღრმისეული საგნების შესწავლას, როგორიცაა მათემატიკა და ფიზიკა, რაც აუცილებელია სხვადასხვა ტექნოლოგიური მიმართულების სწრაფად ათვისებისთვის, იქნება ეს Software development, Information Security, Computer Engineering, Artificial Intelligence, Data Analytics.

ასევე აღსანიშნავია, რომ კომპიუტერული მეცნიერების პროგრამების პარალელურად უკვე მიმდინარეობს ახალი, ქართულ და ინგლისურენოვანი საბაკალავრო პროგრამის — "ხელოვნური ინტელექტი და მონაცემთა ანალიტიკა“ (AI & Data Analytics) აკრედიტაციის პროცესი. ეს არის ერთ-ერთი ყველაზე მოთხოვნადი და თანამედროვე მიმართულება ტექნოლოგიების სფეროში. პროგრამა გამორჩეული იქნება საგნების მრავალფეროვანი არჩევანით, პრაქტიკული კომპონენტებით, სწავლის პროცესშივე საერთაშორისო სერტიფიცირების მოპოვებისა და სტაჟირების გავლის შესაძლებლობით. მნიშვნელოვანია ისიც, რომ პროგრამის — AI & Data Analytics სტუდენტები პირველივე სემესტრში გაივლიან STEM კურსს, რაც მათ დაეხმარებათ, განივითარონ და გაიუმჯობესონ ტექნიკური უნარები და წარმატებით გააგრძელონ აკადემიური პროცესი.“

რუსო აღნიშნავს, რომ კომპიუტერული მეცნიერებების საბაკალავრო პროგრამაზე სწავლა მხოლოდ ტექნიკური უნარების შეძენით არ შემოიფარგლება:

"სწავლის პარალელურად, სტუდენტები მუშაობენ Agile მეთოდოლოგიით, ივითრებენ როგორც პრაქტიკულ ასევე თანამედროვე ე.წ soft skill-ებს: გუნდურობა, დროის მართვა, ტრანსპარენტულობა და ეთიკური გადაწყვეტილებების მიღება.

ჩვენს ეკოსისტემაში ინტეგრირებულია "ინოვაციებისა და მეწარმეობის ცენტრიც“, სადაც სტუდენტები, პროფესიონალი მენტორების დახმარებით, ციფრულ იდეებს რეალურ სტარტაპებად აქცევენ.“

ალტე უნივერსიტეტის IT სკოლის პროგრამებში ინტეგრირებულია Cisco Systems-ისა და AWS (Amazon Web Services) სასწავლო კურსები, რაც სტუდენტებს აძლევს შესაძლებლობას, მიიღონ IT სფეროში საერთაშორისოდ აღიარებული სერტიფიკატები და გაიუმჯობესონ საკუთარი კონკურენტუნარიანობა გლობალური დასაქმების ბაზარზე.

კომპიუტერული მეცნიერებების საბაკალავრო პროგრამა მოიცავს 21-ე საუკუნის ისეთ მოთხოვნად და საინტერესო კურსებს, როგორიცაა:

• DevOps;
  
  
• iOS პროგრამირება;
  
  
• ბლოკჩეინ ტექნოლოგიები;
  
  
• UX/UI დიზაინი;
  
  
• თამაშების დეველოპმენტი;
  
  
• მონაცემთა ანალიზი;
  
  
• მანქანური სწავლება და სხვა.

გარდა ამისა, სტუდენტებისთვის, რომელთაც საერთაშორისო გამოცდილების მიღება სურთ, ღიაა გაცვლითი პროგრამები სხვადასხვა წამყვან ევროპულ უნივერსიტეტთან, მათ შორის:

• Stefan cel Mare University (რუმინეთი);
  
  
• Deggendorf University (გერმანია);
  
  
• Vilnius University of Applied Sciences (ლიტვა) და სხვა.

დამატებითი დეტალები კომპიუტერული მეცნიერებების საბაკალავრო პროგრამის შესახებ:

• ქართულენოვანი პროგრამის წლიური საფასური — 2250 ლარი;
  მისაღები ადგილების რაოდენობა — 95 სტუდენტი.

• ინგლისურენოვანი პროგრამის წლიური საფასური — 2950 ლარი;
  მისაღები ადგილების რაოდენობა — 27 სტუდენტი.

ალტე უნივერსიტეტი ქმნის სივრცეს, სადაც თეორია რეალურ გამოცდილებასთან ერთიანდება და ცოდნა პრაქტიკულ გამოცდილებად იქცევა. კომპიუტერული მეცნიერებების საბაკალავრო პროგრამა კი, აყალიბებს IT პროფესიონალებს, რომლებსაც მომავალის შექმნა შეუძლიათ.