მართალია გემოვნებაზე არ დაობენ, მაგრამ მოდა ეს ის სფეროა, სადაც ამ პროფესიით დაინტერესებულ ადამიანს მკაცრად გაწერილი კრიტერიუმების დაკმაყოფილება და სასურველ სტანდარტებამდე მისაღწევად საკუთარ თავზე მუდმივი მუშაობა უწევს.

სია საკმაოდ გრძელია და აუცილებელი პარამეტრებიდან დაწყებული, ვარცხნილობით დამთავრებული, თითქმის ყველაფერს მოიცავს, რასაც ადამიანის ვიზუალი და მისი საუკეთესოდ რეალიზება ჰქვია.

ბერძენ მოდელს, სოფია ჰაჯიპანტელს კი თავისი გადაბმული, დიდი წარბებით მოდის ინდუსტრიაში სტერეოტიპების დამსხვრევა სურს. გოგო კამერის წინ თამამად პოზირებს, თანაც ისე რომ თითოეული ფოტო მის სათქმელს უსვამს ხაზს - "ჩემი წარბი დიდი, მაგრამ მომხიბვლელია"

"ვფიქრობ ახლა უკეთ გამოვიყურები ვიდრე აქამდე, თანაც მხოლოდ მე არა, სრულიად უცხო ადამიანებიც აღნიშნავენ, რომ გადაბმული და ერთი შეხედვით მოუვლელი წარბი ძალიან მიხდება", - ამბობს მოდელი.

ფოტო: sophiahadjipanteli