"დღეს, 8 მაისს, ესტონეთის მთავრობამ მიიღო გადაწყვეტილება, რომლითაც საქართველოს დიპლომატიური და სამსახურებრივი პასპორტების მფლობელებს ვიზის მოთხოვნა დაეკისრათ. ეს არის ევროკავშირის მიერ მიღებული გადაწყვეტილება, რომელიც თითოეულმა წევრმა სახელმწიფომ საკუთარ კანონმდებლობაში უნდა განახორციელოს", — ამის შესახებ ინფორმაცია ესტონეთის საგარეო საქმეთა სამინისტროს ვებგვერდზე გამოქვეყნდა.

"დიპლომატიური და სამსახურებრივი პასპორტების მფლობელებისთვის ვიზის მოთხოვნის შემოღება კიდევ ერთი ნაბიჯია იმის საჩვენებლად, რომ საერთაშორისო საზოგადოება, მათ შორის ევროკავშირი, არ ეთანხმება რიგითი ადამიანების, მომიტინგეებისა და ჟურნალისტების რეპრესიებს, პოლიციის დაუსჯელობას და სამოქალაქო საზოგადოების გაჩუმებას საქართველოს მმართველი პარტიის, ქართული ოცნების (GD) მიერ", — განაცხადა საგარეო საქმეთა მინისტრმა მარგუს ცაჰნამ.

ცაჰკნას თქმით, ევროკავშირში ასევე განიხილება ბიომეტრიული პასპორტების მქონე საქართველოს მოქალაქეებისთვის უვიზო მიმოსვლის შეზღუდვა.

ესტონეთმა საქართველოს 83 მოქალაქეს ქვეყანაში შესვლა აკრძალა", — ნათქვამია ესტონეთის საგარეო უწყების განცხადებაში.