საკონსტიტუციო სასამართლოს პლენუმი რუსთავი 2-ის საქმის განხილვას იწყებს. ამის შესახებ ტელეკომპანიამ განაცხადა.

საკონსტიტუციო სასამართლოს პლენუმმა დააკმაყოფილა მოსამართლე მერაბ ტურავას შუამდგომლობა. ტელეკომპანიის 3 სარჩელზე 9 მოსამართლე იმსჯელებს.

რუსთავი 2-ის ინფორმაციით, დღეს პლენუმში ამორალური გარიგების შესახებ სამოქალაქო კოდექსის 54-ე და 55-ე მუხლების კონსტიტუციურობაზე იმსჯელებენ. რუსთავი 2-ის ადვოკატების შეფასებით, ეს ნორმები არღვევს კონსტიტუციით გარანტირებულ საკუთრების უფლებას.