HBO-ს პროგრამების განყოფილების პრეზიდენტმა, ქეისი ბლოისმა ცოტა ხნის წინ თქვა, რომ ფინალურ სეზონთან დაკავშირებული მოსალოდნელი სპოილერების გამო გადაწყდა, რომ GOT-ის მერვე სეზონის ფინალის რამდენიმე ვერსია გადაიღებენ.

"სამეფო კარის თამაშებს ექნება, რამდენიმე ფინალი. შეიძლება სამი, ხუთი ან უფრო მეტიც კი. ამით ჩვენ სპოილერების თავიდან აცილებას შევძლებთ, შესაბამისად არავის არ ეცოდინება სინამდვილეში რა მოხდა და როგორ დასრულდა ბრძოლა რკინის ტახტისთვის.", - ამბობს ქეისი ბლოისი.

როგორც ცნობილია რამდენიმე ფინალის მაგალითები უკვე არსებობს ამერიკული ტელევიზიის ისტორიაში - Breaking Bad, The Sopranos, Dallas და ა.შ. იმ შოუების არასრული ჩამონათვალია, რომელთა შემქმნელებმაც დასასრულის რამდენიმე ვერსია გადაიღეს.

შეგახსენებთ, რომ სამეფო კარის თამაშები HBO-ზე სავარაუდოდ 2019 წლის მარტში დაბრუნდება.