მოქალაქე ლექსო სამხარაძე სოციალურ ქსელში წერს, რომ თავისუფლების მოედანზე თავს დაეხნენ და კეფისა და ნათხემის ადგილას კასტეტის მაგვარი წვეტიანი ნივთი ჩაარტყეს, მის მეგობარ ლევან ყაჭეიშვილს კი თავის ქალა გაუბზარეს და ოპერაცია დასჭირდა.

"სასიკვდილოდ გაგვიმეტეს ქოცებმა.

ძალიან ბევრჯერ დამესხნენ თავს და ყოველ ჯერზე მოვახერხე უდანაკარგოდ გამოვსულიყავი. ამჯერად თავისუფლების მოედანზე უკნიდან კეფისა და ნათხემის ადგილას, კასტეტის მაგვარი წვეტიანი ნივთი ჩამარტყეს თავში და ამითივე შეიარაღებულებმა მუშტი-კრივი გაგვიმართეს. საკმაოდ ბევრი ნახეთქი ჭრილობები მოგვაყენეს თავის არეში.

ჩემ ძმაკაც ლევან ყანჩაველს ოპერაცია დასჭირდა, რადგან თავის ქალა გაუბზარეს. გაბზარულ ადგილას სანტიმეტრ ნახევრიანი ტიტანის იმპლანტი ჩაუდგეს. ხვალ მივდივარ მეც კატეს გადასაღებად.

ჩვენ მალე გამოვჯანმრთელდებით და იმაზე ჩქარა ვიდრე მავანთ ჰგონიათ, გათავისუფლებულ რეჟიმის ტყვეებთან ერთად, აღვნიშნავთ ქოცების რუსეთში გაქცევას.

P.S. პირველ სურათში, ჩემი კეპია რომ მიხვდეთ, დაახლოებით როგორი წვეტიანი საგანი ჩამარტყეს და იმავე საგნით გვეჩხუბნენ", — წერს ლექსო სამხარაძედა ფოტოებს აქვეყნებს.

ცნობისათვის, 13 აპრილს ლექსო სამხარაძემ სოციალურ ქსელში დაწერა, რომ ლეონიძის ქუჩაზე თავს დაესხნენ და თავში სავარაუდოდ კასტეტი ჩაარტყეს.

"ლეონიძეზე ჩემს მეგობრებთან ერთად მოვდიოდი, მათ შორის იყვნენ გოგოები და უკნიდან, მოპარვით თავში ჩამარტყეს რაღაც, სავარაუდოდ კასტეტი.

თავდამსხმელი იყო რამოდენიმე და, რა თქმა უნდა, მოვიგერიეთ. გაილახნენ და გაიქცნენ, ისე რომ საკუთარი მეგობარი მიატოვეს. კითხვები გამიჩნდა. სად გაიზარდნენ? სად გაუგიათ ზურგიდან მიპარვა რომ სწორია? სად გაუგიათ გოგების წინაშე თავდასხმა რომ სწორია? სად გაუგიათ მეგობრის მიტოვება რომ შეიძლება?", — წერდა ლექსო სამხარაძე.