გაზაფხულის სემესტრზე, თიბისი ტექსკოლაში, უფროსკლასელები, საქართველოს 12 რეგიონიდან და წელს პირველად, საზღვარგარეთ მცხოვრები ემიგრანტი მოსწავლეებიც დარეგისტრირდნენ. კონკურსის საფუძველზე 1553 რეგისტრირებულიდან, შერჩეული 600 მოსწავლე 3 თვის განმავლობაში სრულიად უფასოდ შეისწავლის — ვებგვერდების აწყობას, UI/UX დიზაინს, ხელოვნურ ინტელექტს, ვებგვერდების პროგრამირებას, მობილური აპლიკაციების შექმნას, გრაფიკულ დიზაინსა და სოციალურ მედია მარკეტინგს.

ტექსკოლის ონლაინ კურსები საუკეთესო შესაძლებლობაა ტექნოლოგიური მიმართულებებით დაინტერესებული, მე-9 დან — მე-12 კლასის ჩათვლით მოსწავლეებისთვის, რომლებსაც სურთ გაიღრმავონ თეორიული და პრაქტიკული ცოდნა — ისწავლო იქ სადაც ხარ.

თიბისი, საგანმანათლებლო ინიციატივების ფარგლებში, ყოველთვის ითვალისწინებს ახალი თაობის ინტერესებს. ტექსკოლაში მოსწავლეებს, დარგის წამყვან პროფესიონალებთან ერთად, შეუძლით მიიღონ ცოდნა თანამედროვე ტექნოლოგიურ ეკოსისტემაზე და მიიღონ სკოლისგან სრულიად განსხვავებული სასწავლო გამოცდილება, რომელიც მათ მომავალი პროფესიის შერჩევასა თუ იდეების რეალობად ქცევაში დაეხმარებათ.