ჯეისონ აიზეკსს სურს, რომ ლუციუს მალფოის როლი მერილ სტრიპმა შეასრულოს

ჯეისონ აიზეკსი, მსახიობი, რომელიც მაყურებელმა ყველაზე კარგად "ჰარი პოტერის" ფილმებში შესრულებული ლუციუს მალფოის როლით გაიცნო, ახლა მომენტის ყველაზე პოპულარულ სერიალში The White Lotus იღებს მონაწილეობას. ჟურნალ Variety-სთან ჩაწერილ ინტერვიუში აიზეკსმა თავის მიმდინარე პროექტსა და ჰარი პოტერის ახალ სერიალზეც ისაუბრა.

**ჯეისონ აიზეკსი სერიალში The White Lotus**

ფოტო: HBO

The White Lotus-ისა და ჯეისონ აიზეკსის პერსონაჟის შესახებ ჩაწერილ ვრცელ ინტერვიუში მსახიობმა ჰარი პოტერის ახალ სერიალზეც უპასუხა კითხვებს. სერიალს HBO იღებს და, როგორც ცნობილია, სერიალში ჯ.კ. როულინგის ნამუშევრის 7-ვე წიგნში მოთხრობილი სიუჟეტი იქნება მოთხრობილი.

ჟურნალისტის მიერ დასმულ კითხვას იმის შესახებ, თუ ვის ნახვას მოისურვებდა ლუციუს მალფოის როლში, აიზეკსმა მოულოდნელი და საინტერესო პასუხი გასცა — მისი თქმით, ამ როლს მერილ სტრიპი იდეალურად შეასრულებდა. "ამ ქალს ყველაფრის გაკეთება შეუძლია. მის შესაძლებლობებს ზღვარი არ აქვს."

"რა რჩევას მისცემდით იმ მსახიობებს, ვინც ამ კალიბრის ფრენჩაიზში როლზე დამტკიცდება?" — ჰკითხა ჟურნალისტმა აიზეკსს, რაზეც პასუხად მიიღო, რომ მსახიობს რჩევის გაცემა საჭიროდ არ მიაჩნია. "თავი რატომ უნდა შევიწუხო? ზოგ ადამიანს ვიცნობ, ვინც როლებზე შეარჩიეს და ისინი ბრწყინვალე მსახიობები არიან. დარწმუნებული ვარ, რომ სერიალი შესანიშნავი იქნება და ჩემნაირი ბებერისგან რჩევა უკანასკნელია, რაც სჭირდებათ" — თქვა მსახიობმა.

იხილეთ ასევე:

ბოლო ამბები:

გირჩევთ