ევროპარლამენტის წევრი რაფაელ გლუკსმანი აშშ-ს ხელისუფლებას თავისუფლების ქანდაკების საფრანგეთში დაბრუნება სთხოვს. ამჟამინდელი ადმინისტრაცია და აშშ-ს პრეზიდენტი თავიანთი გადაწყვეტილებებით აჩვენებენ, რომ თავისუფლების ღირებულება მათგან შორსაა. 17 მარტს პოლიტიკოსის გამოსვლიდან ფრაგმენტებს სააგენტო AFP-ს ციტირებს.

თავის გამოსვლაში გლუკსმანმა, რომელიც რუსეთ-უკრაინის ომში აქტიურად უჭერს მხარს უკრაინას, ვაშინგტონი მოსკოვთან დაახლოების გამო გააკრიტიკა. მისი თქმით, შეერთებულმა შტატებმა "ტირანების მხარეზე დადგომა გადაწყვიტა".

ამასთან დაკავშირებით ევროპარლამენტარმა აშშ-ს თავისუფლების ქანდაკების დაბრუნებისკენ მოუწოდა.

"ჩვენ გაჩუქეთ მაგრამ, როგორც ჩანს, თქვენ ის გძულთ", — თქვა ევროპარლამენტარმა მიმართვაში.

თავისუფლების ქანდაკება საფრანგეთში, მოქანდაკე ოგიუსტ ბარტოლდის ხელმძღვანელობით შეიქმნა. ამერიკის შეერთებული შტატების მეასე წლისთავს მიეძღვნა და ამ ორ ერს შორის მეგობრობის გამოხატვის ჟესტია.

46 მეტრის სიმაღლის სპილენძის ქანდაკება 1886 წელს ნიუ-იორკში, ლიბერტი-აილენდზე გაიხსნა. მილიონობით ემიგრანტისთვის, რომლებიც შეერთებულ შტატებში ჩასვლას ელოდნენ, ის სიმბოლურად უკეთესი ცხოვრების იმედი იყო, აღნიშნავს AFP.