13 მარტს, კალიფორნიისა და მერილენდის ფედერალურმა მოსამართლეებმა აშშ-ს პრეზიდენტ დონალდ ტრამპის ადმინისტრაციას იმ თანამშრომლის სამსახურში აღდგენა უბრძანა, რომლებმაც სამსახური 19 სააგენტოში განხორციელებული მასობრივი გათავისუფლების შედეგად დაკარგეს — ამის შესახებ Reuters იტყობინება.

20 მარტამდე, ტრამპის ადმინისტრაციამ სამთავრობო უწყებებს დაუწესეს ვადა, რათა წარადგინონ გეგმები მასობრივი გათავისუფლების მეორე ტალღისთვის და შეამცირონ თავიანთი ბიუჯეტი.

ბალტიმორის საოლქო მოსამართლე ჯეიმს ბრედარი დაეთანხმა 20 დემოკრატიულ შტატსა და 18 სააგენტოს, რომ ადმინისტრაციამ ფედერალური თანამშრომლების გათავისუფლების რეგულაციები დაარღვია.

ტრამპის გაპრეზიდენტების შემდეგ, დაკავებული პოზიციებიდან გამოსაცდელი ვადით დასაქმებული დაახლოებით 24 000 თანამშრომელი გათავისუფლდა.

მოსამართლის შემაკავებელი ბრძანება სხვა სააგენტოებთან ერთად ვრცელდება — აშშ-ს გარემოსდაცვით სააგენტოზე, მომხმარებელთა ფინანსური დაცვის ბიუროსა და აშშ-ს საერთაშორისო განვითარების სააგენტოზე (USAID). სამივე სააგენტო ტრამპის ადმინისტრაციის სამიზნე გახდა.

მოსამართლის გადაწყვეტილება გავრცელდება აშშ-ს სოფლის მეურნეობის, ვაჭრობის, განათლების, ენერგეტიკის, ჯანდაცვისა და ადამიანური სერვისების, შიდა უსაფრთხოების, საბინაო და ურბანული განვითარების, შინაგან საქმეთა, შრომის, ტრანსპორტის, ხაზინის და ვეტერანთა საქმეების დეპარტამენტებზე.

ტრამპის ადმინისტრაცია ამტკიცებდა, რომ მან თითოეული თანამშრომელი შესრულებული სამუშაოს ან სხვა ინდივიდუალური მიზეზების გამო გაათავისუფლა, მოსამართლემ განაცხადა, რომ ეს არ შეესაბამებოდა სიმართლეს. სახელმწიფომ წინასწარ უნდა გააფრთხილოს თანამშრომლები და ვალდებულები არიან სამსახურის გარეშე დარჩენილ მოქალაქეებს დახმარება გაეწიოს.

თეთრი სახლის პრესმდივანმა კაროლინ ლევიტმა მოსამართლის გადაწყვეტილების შემდეგ გავრცელებულ განცხადებაში განაცხადა, რომ ადმინისტრაცია "დაუყოვნებლივ ექნება რეაგირება".

"პრეზიდენტს აქვს უფლებამოსილება განახორციელოს მთელი აღმასრულებელი ხელისუფლების უფლებამოსილება — ცალკეული რაიონული სასამართლოს მოსამართლეებს არ შეუძლიათ ბოროტად გამოიყენონ მთელი სასამართლო ხელისუფლების უფლებამოსილება პრეზიდენტის დღის წესრიგის ჩაშლის მიზნით", — თქვა ლევიტმა.

შეგახსენებთ, ტრამპის გაპრეზიდენტების შემდეგ, აგრესიული ძალისხმევის პირველი რაუნდის ფარგლებში პოზიციებიდან გამოსაცდელი ვადით დასაქმებული დაახლოებით 24 000 თანამშრომელი გათავისუფლდა.