უკრაინის ფინანსთა სამინისტროს ცნობით, ოფიციალურმა კიევმა G7-ის საგანგებო შემოსავლების დაჩქარების (ERA) პროგრამის პირველი ტრანშის ფარგლებში 1.7 მილიარდი დოლარი მიიღო კანადისგან.

სამინისტროს ცნობით, თანხა უკრაინის სახელმწიფო ბიუჯეტის პრიორიტეტულ საჭიროებებს მოხმარდება. ჯამში, კანადა პროგრამაში 3.47 მილიარდ დოლარს ჩადებს — სესხი 30 წლით გაიცემა.

"ERA-ს მექანიზმი 50-მილიარდიანი ინიციატივაა, რომელის უკრაინას საჭირო სესხებს მისცემს, მოგვიანებით კი ამ თანხის ანაზღაურება გაყინული რუსული აქტივებით მოხდება", — განაცხადა ფინანსთა სამინისტრომ.

უკრაინამ ბრიტანეთისგან უკვე მიიღო პირველი 752 მილიონი ფუნტი (940 მილიონი აშშ დოლარი), რომელიც უზრუნველყოფილია გაყინული რუსული აქტივების შემოსავლით.