ცენტრალური საარჩევნო კომისიის წევრებს, პენსიაზე გასვლის შემდეგ, სახელმწიფო კომპენსაციას მიიღებენ.

კანონპროექტი 27 იანვარს ქართული ოცნების დეპუტატებმა დააინიციირეს რომლის მიხედვით, ცესკოს თავმჯდომარეს/წევრს ენიშნება ცესკოს წევრის კომპენსაცია 65 წლის ასაკის მიღწევისას ან არანაკლებ 25 წლის შრომის საერთო სტაჟის შემთხვევაში, თუ ის 5 წლის განმავლობაში უწყვეტად იყო ცესკოს წევრი. ოცნების პრეზიდენტმა, მიხეილ ყაველაშვილმა ამ კანონპროექტს ხელი მოაწერა.

სახელმწიფო კომპენსაცია ცესკოს იმ წევრს არ დაენიშნება, რომლის მიმართ კანონიერ ძალაში შესული სასამართლო გადაწყვეტილება არსებობს და რომლითაც დადასტურებულია მის მიერ საარჩევნო კანონმდებლობის დარღვევა.

ცნობისთვის, სახელმწიფო კომპენსაცია ენიშნებათ იმ პირებს, ვისაც სახელმწიფოს წინაშე განსაკუთრებული სამსახურის აქვთ შესრულებული და მიაღწევენ გარკვეულ ასაკს, ან შესაძლებლობების შეზღუდვის გამო ვეღარ ახერხებენ მოვალეობის შესრულებას.

მსგავსი კომპენსაციით პარლამენტის წევრები, გენერალური აუდიტორია და საერთო, უზენაესი და საკონსტიტუციო სასამართლოების მოსამართლეები სარგებლობენ.

შეგახსენებთ, 28 იანვარს ქართული ოცნების დეპუტატებმა ასევე წარადგინეს საკანონმდებლო ინიციატივა, რომლის მიხედვითაც ცესკოს თავმჯდომარესა და წევრებს სამსახურებრივი საშტატო იარაღის ტარების უფლება ექნებათ.

ასევე იხილეთ:

საკანონმდებლო ინიციატივის მიხედვით ცესკოს თავმჯდომარესა და წევრებს იარაღის ტარების უფლება ექნებათ

ცესკოში ხელფასები იზრდება — გიორგი კალანდარიშვილის თანამდებობრივი სარგო 12 410 ლარი იქნება