უკრაინის პრეზიდენტი ვოლოდიმირ ზელენსკი X-ზე პოსტს აქვეყნებს, რომელშიც საუბრობს შეხვედრებზე, რომლებიც ბრიუსელში ევროპელ ლიდერებთან გამართა. ზელენსკი მადლობას უხდის ევროპასა და აშშ-ს მხარდაჭერისთვის და აცხადებს, რომ ევროკავშირის ინიციატივა კონტინენტის გადაიარაღების შესახებ, ერთადერთი სწორი გზაა რუსეთის აგრესიის შესაჩერებლად.

ზელენსკი აქვეყნებს რამდენიმე ნაბიჯსაც, რომელიც, მისი აზრით, შეიძლება ხანგრძლივ მშვიდობას დაედოს საფუძვლად.

პირველ რიგში, ზელენსკის აზრით, უნდა შეწყდეს ცეცხლი ჰაერსა და ზღვაში — მხოლოდ ამის შემდეგ შეიძლება დაიწყოს საუბარი ტყვეების გათავისუფლებაზე. ზელენსკის აზრით, ტყვეების გათავისუფლება ხელს შეუწყობს მხარეებს შორის საბაზისო ნდობის დამყარებას.

"უკრაინელებს ნამდვილად სურთ მშვიდობა, მაგრამ არა უკრაინის დათმობის ფასად. ყველა მოლაპარაკების საკითხია, შეუძლია თუ არა რუსეთს ომის დათმობა. დარწმუნებული იყავით, რომ უკრაინა მთელ ევროპას გაუზიარებს სამშვიდობო გეგმების ყველა დეტალს და მოლაპარაკებების პროცესს", — წერს ვოლოდიმირ ზელენსკი.

"ყველამ უნდა უზრუნველყოს, რომ რუსეთმა, ამ ომის ერთადერთმა წყარომ, მიიღოს მისი დასრულების საჭიროება. ამის "სიჩუმის" ორი ფორმით დადასტურება შეიძლება: არავითარი თავდასხმები ენერგეტიკაზე და სხვა სამოქალაქო ინფრასტრუქტურაზე — ზავი რაკეტებისთვის, ბომბებისთვის, შორი მანძილის დრონებისთვის — არავითარი სამხედრო ოპერაციები შავ ზღვაში", — განაცხადა უკრაინის პრეზიდენტმა.