მუსიკოსმა სიახლე თავის ვებსაიტზე დაადასტურა. ის და მისი ჯგუფი, Chrome Hearts, სპეციალურ უფასო კონცერტს უკრაინაში გამართავენ და ამით ევროპაში Love Earth ტურნეს გახსნიან. დამატებითი დეტალები უახლოეს დღეებში გახდება ცნობილი.

"შემოგვიერთდით! დემოკრატიის ზაფხული აღვნიშნოთ. ძველი და ახალი სიმღერები. ძველი და ახალი სიტყვები. გართობა! ამ ზაფხულს უნდა გავერთიანდეთ. Chrome Hearts და მე მზად ვართ!" - წერს იანგი თავის ვებგვერდზე

იანგი უკრაინის პოლიტიკურ კლიმატზე მოსაზრებებს ყოველთვის გამოთქვამდა. ის რუსეთის პრეზიდენტს, ვლადიმერ პუტინს, აღწერს როგორც, "შეშლილი გონების პატრონს, რომელსაც სურს გაიუმჯობესოს ყოფა და გამოასწოროს შეცდომები, რომლებიც მისი აზრით, 50 წლის წინ დაუშვეს".

ფოტო: Babylonee

აღსანიშნავია, რომ უკრაინაში კონცერტის ჩანიშვნა აშშ-ს პრეზიდენტის, დონალდ ტრამპის, უკრაინის ლიდერთან, ვოლოდიმირ ზელენსკისთან, ბოლო შეხვედრას მოჰყვა.

"ამერიკამ საკუთარი პოზიცია დაკარგა. ერთგულები არასოდეს იქნებიან პატრიოტებზე ძლიერები და პატრიოტები აქ, აშშ-ში, უმრავლესობაში არიან. ჩვენი პატრიოტები მშვიდობიანი დემონსტრაციისთვის ქუჩებში გამოვლენ. მოვა დრო და ჩვენ მსოფლიოს ვაჩვენებთ, ვინ ვართ სინამდვილეში. აშშ კვლავ თავისუფალი სამყაროს ლიდერი იქნება" — წერს იანგი ტრამპისადმი მიძღვნილ პოსტში.

მსოფლიო ტურნე ზაფხულში დაიწყება და 15 სექტემბერს ლოს-ანჯელესში დასრულდება. ასევე იანგმა ცოტა ხნის წინ დოკუმენტური ფილმი დააანონსა, რომელიც მუსიკოსის 2023 წლის სოლო ტურნეს უკავშირდება.