ევროკომისიის პრეზიდენტის, ურსულა ფონ დერ ლაიენის, განცხადებით, ევროკავშირის წევრ ქვეყნებს ევროპის გადაიარაღების გეგმას ხვალ წარუდგენს.

"ხვალ წევრ ქვეყნებს ევროპის გადაიარაღების გეგმის შესახებ წერილობით ვაცნობებ. ეჭვგარეშეა, ჩვენ თავდაცვის სფეროში მასიური ზრდა გვჭირდება", — განაცხადა ურსულა ფონ დერ ლაიენმა.

მისი თქმით, ევროპას ხანგრძლივი მშვიდობა სურს, თუმცა ის მხოლოდ ძალას უნდა დაეფუძნოს.

"ჩვენ გვსურს ხანგრძლივი მშვიდობა, თუმცა ის მხოლოდ ძალაზე შეიძლება დამყარდეს, რაც საკუთარი თავის გაძლიერებით იწყება", — განაცხადა ევროკომისიის პრეზიდენტმა.