დონალდ ტრამპმა სოციალურ ქსელ Truth Social-ზე ორი პოსტი გამოაქვეყნა. ერთ-ერთ მათგანში ის ხვალ მნიშვნელოვან მიმართვას აანონსებს.

"ხვალ დიდი ღამე იქნება. ვიტყვი ყველაფერს ისე, როგორც არის!", — წერს აშშ-ის პრეზიდენტი.

მცირე ხნით ადრე დადებული პოსტი კი უკრაინაში მიმდინარე ომს ეხება — ტრამპი წერს, რომ ის ერთადერთი პრეზიდენტია, ვისაც უკრაინის მიწა პუტინის რუსეთისთვის არ გადაუცია.

"ერთადერთი პრეზიდენტი, რომელსაც უკრაინის მიწა პუტინის რუსეთისთვის არ მიუცია, დონალდ ტრამპია. გახსოვდეთ ეს, როდესაც სუსტი და არაეფექტიანი დემოკრატები კრიტიკოსობენ, ხოლო ყალბი მედია სიხარულით ავრცელებს მათ ნებისმიერ ნათქვამს!", — აცხადებს დონალდ ტრამპი.

ხვალ დონალდ ტრამპი კონგრესის ერთობლივ სესიას პრეზიდენტობის მეორე ვადაში პირველად მიმართავს.