კალაძის თქმით, "სამშობლოს ღალატის" მუხლის აღდგენა მნიშვნელოვანია და ყველას პასუხი უნდა გაეცეს, ვინც ქვეყანას უღალატა და დაკარგა ტერიტორიები.

"სანამ წინა ხელისუფლება 2008 წლის მოღალატეობრივ ქმედებას ჩაიდენდა, რამდენიმე ხნით ადრე გააუქმა კანონი სამშობლოს ღალატის შესახებ. ხომ წარმოგიდგენიათ უკვე რა ფიქრები ჰქონდათ და რა ნაბიჯებს დგამდნენ.

ასევე, აღნიშნული მუხლის აღდგენა მნიშვნელოვანია, რომ თუნდაც დავუბრუნდეთ 2008 წლის აგვისტოს ომს, მოხდეს გამოძიება. ყველა კითხვას, რომელიც საზოგადოებაში არსებობს, ყველა იმ ადამიანს, ვინც ქვეყანას უღალატა, დაკარგა ტერიტორიები თავისი უგუნური ქმედებების შედეგად, გაეცეს შესაბამისი პასუხები. მათი ქმედებები გააზრებული იყო, ძალიან კარგად იცოდნენ რას აკეთებდნენ, ვის ინტერესს ემსახურებოდნენ, ვინ იდგა ამის უკან", — განაცხადა კალაძემ.