დონალდ ტრამპის მიერ Truth Social-ზე გამოქვეყნებული პოსტის თანახმად, აშშ 4 მარტს მექსიკასა და კანადას ტარიფებს დაუწესებს, ხოლო ჩინეთს ჩინეთს 10%-ით გაუზრდის.

"ნარკოტიკები ჩვენს ქვეყანაში მექსიკიდან და კანადიდან კვლავ ძალიან მაღალი და მიუღებელი რაოდენობით შემოედინება. ამ ნარკოტიკების, რომლებიც ძირითადად ფენტანილის სახით გვხვდება, უდიდესი ნაწილი ჩინეთში იწარმოება და იქიდან მოდის. გასულ წელს ამ საშიში და ძალიან მაღალი დამოკიდებულების გამომწვევი შხამის გავრცელებას ასი ათასზე მეტი ადამიანი ემსხვერპლა — გასული ორი დეკადის განმავლობაში კი მილიონობით. მსხვერპლთა ოჯახები განადგურებულები არიან. ჩვენ ვერ დავუშვებთ, რომ ამ უბედურებამ აშშ-ის დაზიანება განაგრძოს, შესაბამისად, სანამ ის შეჩერდება ან მნიშვნელოვნად შეიზღუდება, 4 მარტიდან ამოქმედდება შემოთავაზებული ტარიფები. ჩინეთს დამატებით 10%-იანი ტარიფები დაუწესდება. ღმერთმა დალოცოს ამერიკა!", — წერს დონალდ ტრამპი.