საინფორმაციო სააგენტო ბათუმელების ცნობით, 27 თებერვალს, დიდთოვლობის შედეგად ბათუმში, ე.წ "ოცნების ქალაქში" ერთ-ერთი შენობის სახურავი ჩაინგრა, რამაც ერთი ადამიანის დაზიანება გამოიწვია — დაშავებული კლინიკაშია გადაყვანილი.

შენობაში, რომელშიც აღნიშნული შემთხვევა მოხდა, 28 ოჯახი ცხოვრობს. ნინო ნიჟარაძის განცხადებით, დაშავებულის ჯანმრთელობის მდგომარეობა სტაბილურია.

დიდთოვლობამ მნიშვნელოვანი პრობლემები შექმნა დასავლეთ საქართველოს არაერთ რეგიონში. ჭარბი ნალექის შედეგად გარესამყაროს მოწყდა არაერთი სოფელი მაღალმთიან გურიაში, აჭარასა და იმერეთში.