ირაკლი კობახიძე ჟურნალისტებთან საუბრისას საქართველოში გერმანიის ელჩის, პეტერ ფიშერის განცხადებას გამოეხმაურა იმის შესახებ, რომ გერმანიის განათლებისა და კვლევის ფედერალურმა სამინისტრომ გერმანულ-ქართული სამეცნიერო თანამშრომლობის განვითარება შეაჩერა.

"გერმანიას ელჩი საქართველოში არ ჰყავს, მათ ჰყავთ წარმომადგენელი რადიკალურ ოპოზიციაში. სხვა არაფერი შეიძლება ეწოდოს გერმანიის ელჩს. ეს ვითარება უნდა შეიცვალოს. ჩვენ მაქსიმალურად ვართ დაინტერესებული გერმანიასთან მჭიდრო ურთიერთობების აღდგენით, როგორც კი შეიცვლება მოცემულობა, მათ შორის საკადრო გადაწყვეტილებები მიიღება განსხვავებული ფორმით, მას შემდეგ ვფიქრობთ, რომ გვექნება პროგრესი ურთიერთობებში", — თქვა კობახიძემ.

შეგახსენებთ, რომ საქართველოში გერმანიის ელჩმა, პეტერ ფიშერმა გუშინ სოციალურ ქსელში დაწერა, რომ "გერმანიის განათლებისა და კვლევის ფედერალურმა სამინისტრომ გერმანულ-ქართული სამეცნიერო თანამშრომლობის განვითარება შეაჩერა, მათ შორის სტუდენტთა მობილობა, კვლევა და საქართველოს მონაწილეობა ევროკავშირის პროგრამებში - საქართველოს მიერ აკადემიური თავისუფლების შეზღუდვისა და ევროკავშირში გაწევრიანების შეჩერების გამო.