თავდაცვის სამინისტროს ინფორმაციით, 26 თებერვლის დილიდან დასავლეთ საქართველოში დიდთოვლობისგან შექმნილი პრობლემის აღმოფხვრისა და დაზარალებული მოსახლეობის დახმარების მიზნით, თავდაცვის ქვედანაყოფები ექვსი მიმართულებით მუშაობენ.

მათი ცნობით, ჯარი სტიქიის სალიკვიდაციო სამუშაოებში პირადი შემადგენლობითა და შესაბამისი ტექნიკით არის ჩართული.

ცნობისთვის, 25 თებერვალს ქართული ოცნების პრემიერმინისტრმა, ირაკლი კობახიძემ სტიქიის სამაშველო სამუშაოებში თავდაცვის ძალების ჩართვის ბრძანება გამოსცა.

"დღეს დილიდან სამხედრო მოსამსახურეები შესაბამისი ტექნიკური საშუალებებით გავიდნენ ყველა იმ კრიტიკულ ობიექტზე, სადაც მოსახლეობა დახმარებას საჭიროებს.

ჯარი სტიქიის სალიკვიდაციო სამუშაოებში პირადი შემადგენლობითა და შესაბამისი ტექნიკით არის ჩართული. თავდაცვის ძალების წარმომადგენლები შსს-ს სამაშველო სამსახურთან, მოსახლეობის დახმარების მიზნით, მუდმივ კოორდინაციაშია.

დასავლეთ საქართველოში დიდთოვლობის შედეგად დაზარალებული მოსახლეობის დახმარების პროცესში თავდაცვის ძალები გუშინ საქართველოს პრემიერმინისტრის, ირაკლი კობახიძის ბრძანების საფუძველზე ჩაერთო. თავდაცვის მინისტრის ბრძანებით, საგანგებო სიტუაციაზე რეაგირების მხარდასაჭერად თავდაცვის ძალებიდან გამოყოფილია დასავლეთისა და აღმოსავლეთის, სპეციალური ოპერაციების, ჯარების ლოჯისტიკური უზრუნველყოფის, ასევე წვრთნებისა და სამხედრო განათლების სარდლობების ქვედანაყოფები და სპეციალური ტექნიკური საშუალებები,” — აღნიშნულია ინფორმაციაში.

შეგახსენებთ, დიდთოვლობას დასავლეთ საქართველოში მსხვერპლი მოჰყვა. მედიაში გავრცელებული ინფორმაციით დიდთოვლობის გამო 3 ადამიანი დაიღუპა. გურიის მოამბეს ცნობით, ოზურგეთის მუნიციპალიტეტში ქალი გარდაიცვალა, რომელიც სახლში დავრდომილ 85 წლის დედას უვლიდა; ქობულეთში, სოფელ ხუცუბანში, ერთი ადამიანი გაყინული იპოვეს; გურია TV-ის ცნობით, სოფელ კონჭკათში მეზობლის სახლის სახურავის გადათოვლისას ნგრევის შედეგად შუახნის კაცი დაიღუპა.

ასევე იხილეთ:

დიდთოვლობის გამო ნატანებში ქალბატონი გარდაიცვალა — გურიის მოამბე

ქობულეთის სოფელ ხუცუბანში კაცი გაყინული იპოვეს

გურია TV: გურიაში დიდთოვლობას მსხვერპლი მოჰყვა — დაღუპულია შუახნის კაცი

სტიქიის ტერიტორიაზე მოყოლილ მოსახლეობის ნაწილს დღემდე არ მიეწოდებათ ელექტროენერგია, რის შედეგადაც ისინი მობილურის დამუხტვას ვერ ახერხებენ და ვერ უკავშირდებიან სამაშველო სამსახურს.

გარემოს ეროვნული სააგენტოს ცნობით, თოვა საქართველოში 27 თებერვლამდე გაგრძელდება.