ქართული ოცნების პარლამენტის ბიუროს სხდომაზე 24 თებერვალს მედიის შემზღუდველი ცვლილებები დაინიციირდა, რომლებიც შევად "მაუწყებლობის შესახებ" კანონში.

აღნიშნული ცვლილების მიხედვით, იგეგმება მაუწყებლის მიერ უცხოური ძალისგან პირდაპირი ან არაპირდაპირი დაფინანსების — ფულადი თანხის ან ქონებრივი ღირებულების სხვა მატერიალური სიკეთის მიღების აკრძალვა.

გარდა ამისა, აღნიშნული კანონის 65-ე მუხლს ემატება პუნქტი, რომლის მიხედვითაც მაუწყებლის მიერ სოციალური რეკლამის განთავსების სანაცვლოდ პირდაპირი ან არაპირდაპირი დაფინანსების მიღება დაუშვებელი იქნება. ცვლილების თანახმად, აიკრძალება უცხოური ძალის მიერ მაუწყებლის მომსახურების შესყიდვა ან/და პროგრამის მომზადების ან/და ეთერში გადაცემის პირდაპირი ან ირიბი დაფინანსება ან თანადაფინანსება.

უცხოურ ძალას აღნიშნული მუხლი განმარტავს როგორც უცხო სახელმწიფოს ხელისუფლების სისტემის შემადგენელ სუბიექტს; ფიზიკურ პირს, რომელიც არ არის საქართველოს მოქალაქე; იურიდიულ პირს, რომელიც საქართველოს კანონმდებლობის საფუძველზე არ არის დაფუძნებული ან ისეთ ორგანიზაციულ წარმონაქმნს — ფონდს, ასოციაციას, კორპორაციას, კავშირს — რომელიც უცხო სახელმწიფოს სამართლის ან/და საერთაშორისო სამართლის საფუძველზეა დაფუძნებული.

ხსენებული ცვლილებები "მაუწყებლობის შესახებ" კანონში ქართული ოცნებისა და ხალხის ძალის ერთობლივი საკანონმდებლო ინიციტივაა.