უკრაინის იძულებითი კაპიტულაცია ნიშნავს დასავლეთის მთელი საზოგადოების კაპიტულაციას. ამ ფაქტის ყველა შედეგით. და არავის არ მოეჩვენოს, რომ ისინი ამას ვერ ხედავენ, — ამის შესახებ პოლონეთის პრემიერმინისტრი, დონალდ ტუსკი X-ზე წერს და დონალდ ტრამპის განცხადებებს ეხმაურება.

შეგახსენებთ, 19 თებერვალს აშშ-ის პრეზიდენტმა, დონალდ ტრამპმა სოციალურ ქსელში ვრცელი პოსტი გამოაქვეყნა, რომელიც სრულად უკრაინის პრეზიდენტის, ვოლოდიმირ ზელენსკის კრიტიკას მიეძღვნა. ტრამპმა ზელენსკის დიქტატორიც უწოდა და არჩევნების დანიშვნისკენ მოუწოდა. აშშ-ს პრეზიდენტმა უკრაინის ომში ვოლოდიმირ ზელენსკი დაადანაშაულა. მისივე თქმით, ზელენსკის შეეძლო ომის თავიდან აცილება და რუსეთთან გარიგება. მისივე თქმით, ომის დასასრულებლად ორივე მხარე დათმობაზე უნდა წავიდეს.