ოცნების პარლამენტის ვიცე-სპიკერმა, თეა წულუკიანმა იმედი ლაივის ეთერში თქვა, რომ ევროპის საბჭოს საპარლამენტო ასამბლეის (PACE) დეპუტატებმა "საშინაო დავალებად" მისცეს, რომ ახალი არჩევნები ჩაეტარებინათ. "ჩვენ ვუთხარით, არავითარი საშინაო დავალება არ იქნება, ნახვამდის, კარგად ბრძანდებოდეთ, რომ მოეგებით ყველა ერთად გონს, იქნებ შემოვუერთდეთ თქვენს ფორუმს", — თქვა ოცნების პარლამენტის ვიცე-სპიკერმა, თეა წულუკიანმა იმედი ლაივის ეთერში თქვა.

"ეს ხალხი [ოპოზიცია] არ არის ადეკვატური და პოლიტიკაში სერიოზული პრობლემაა, როდესაც აღარ ხარ ადეკვატური და ვერ ხვდები და არც არავინ გეუბნება, ან გეუბნება და არ ისმენ. [...] როდესაც აღარ ხარ პრეზიდენტი, შეეგუა ყველა ამ ამბავს, იმიტომ რომ აღარ ხარ პრეზიდენტი, იძახე რამდენიც გინდა, რომ ხარ, ხომ ვერ იქნები?!

როდესაც ოპოზიციას არაფერი არგუმენტი არ აქვს, ვერ წარადგინა მტკიცებულებები, რომ არჩევნები გაყალბდა, მაშინაც კი - სტრასბურგში, ყველა დეპუტატმა და ზოგმა საჯაროდ თქვა, რომ გასაგებია, ჩვენ გვჯერა, ის კი არა რომ მტკიცებულებები არ გვაქვს გაყალბების, მტკიცებულებები გვაქვს, რომ არ გაყალბდა. მაგრამ ხალხია ქუჩაში გამოსული და დაძაბულობის განსამუხტად იქნებ ჩაატაროთ არჩევნები ესაა თქვენის საშინაო დავალება, ამაზე ჩვენ ვუთხარით, არავითარი საშინაო დავალება არ იქნება, ნახვამდის, კარგად ბრძანდებოდეთ, რომ მოეგებით ყველა ერთად გონს, იქნებ შემოვუერთდეთ თქვენს ფორუმს", — თქვა თეა წულუკიანმა.